Afurika Dushaka

RWANDA - BREZILIA : Byasinyanye amasezerano yo koherezanya abakatiwe n’inkiko

Minisitiri w’Ububanyi n’Amahanga n’Ubutwererane Dr Vincent Biruta yatangiye uruzinduko rw’iminsi ibiri muri Brasil, akaba ari rwo ruzinduko rwo ku rwego rwo hejuru muri uru rwego rubaye hagati y’ibihugu byombi. RBA

Impamvu nyamukuru y’uru ruzinduko no gushimangira ubutwererane no guteza imbere ubucuruzi hagati y’u Rwanda na Brasil nkuko bikubiye mu itangazo rya Minisiteri y’Ububanyi n’Amahanga y’u Rwanda.

Minisitiri Biruta yagiranye ibiganiro n’abayobozi batandukanye muri Brasil barimo Minisitiri w’Ububanyi n’Amahanga Amb. Mauro Vierra.

Aba bayobozi bombi bahsyize umukono mu masezerano arimo kohererezanya abantu bakatiwe n’inkiko no gukuriraho visa abafite impapuro z’izinzira z’abadipolomate ndetse n’abafite pasiporo z’akazi.

Mu biganiro bagiranye kandi harimo ko ibihugu byombi byiyemeje guteza imbere ubufatanye mu buhinzi,ubucuruzi,ishoramari ndetse n’ingendo zo mu kirere.

Minisitiri Buruta yashimiye Brasil kuba iyoboye akanama k’Amahoro k’Umuryango w’Abibumbye mu Ukwakira 2023 ndetse aganira na mugenzi we wa Brasil ku bibazo bitandukanye bireba amahoro n’umutekano by’umwihariko mu karere k’ibiyaga bigari.

Abayobozi bombi bavuze ko gukemura ibibazo by’umutekano bisaba ibiganiro ndetse n’ubufatanye.

Umwanditsi : Manzi
75

Ibitekerezo (0)

Siga igitekerezo

Inkuru ziheruka

Kwamamaza

Amakuru

Iyandikishe ujye ubina amakuru agezweho

SHYIRAMO IMERI YAWE WOHEREZE

RwandaPodium © All Rights Reserved. Powered by thesublime.rw